Awe den e tempo dinamico y tecnologico di awendia periodismo ta move den un fraccion di seconde y riba internet mas lihe cu nos ta pensa. Prensa mes como institucion ta situa den edificionan sofistica y masha riba un blog virtual cu avansenan moderno.
Prensa y importancia di un bon periodismo cu como fuente importante pa informa, educa, conscientisa den e desaroyo comunitario di un sociedad y su formacion. E bon periodismo mester ta di informacion veridico, conciso, y trece e dos banda di e medaya di tur noticia. Tambe e importancia di periodismo na nivel mundial ta importante pa maneha esaki cu responsabilidad y mantene un caracteristica di un rol necesario den comunicacion.
Nunca den historia di e humanidad, e hende tabata tin tanto medio pa comunica pa e escencia di un informacion stop di existi. Cu otro palabra comunicacion a caba cu e informacion. Anto e ora nada ta mas bieu cu e corant of noticia di ayera.
E importancia di duna balor na cierto tema cu ta destaca pa media masivo ci comunicacion, ta influencia e aumento di interes pa cu esaki entre e publico.
Ta importante pa prensa informa, educa, forma un comunidad y pasa e informacion veridico pa e nivel di desaroyo general ta na su luga cu e uzo di Papiamento ta segun loke a ser aproba den sala di Parlamento di Aruba. Esaki for di momento cu Papiamento a keda oficialisa como idioma riba dia 21 di mei 2003. Cual ta conta tanto pa uzo por escrito como verbal.
Director, Staf y personal di DCA ta felicita awe 1 di september 2017 cada miembro di prensa y tur esnan cu ta traha den medionan di comunicacion riba Dia di Prensa aki na Aruba.
Masha danki pa boso cooperacion, colaboracion y publicacion durante ana 2017.