Pa loke ta e reforma fiscal, Sr. Hubert Dirksz a splica cu e feedback cu nan a haya for di e trahadonan ta masha minimo, tocante e impacto di e reforma fiscal.
Loke por a yuda ta cu e ultimo añanan, FTA ta cera CAO-nan, sigur den sector hotelero, di adelantonan. Esey ta cu si bin cualke impacto, si tin aumento salarial, e trahado no ta sinti’e. Pero na momento cu gobierno a anuncia cu lo tuma medida ariba e reparatie toeslag, esey si tabata tin un impacto grandi. Pero gobierno a drecha esaki y a evita asina cu e malcontento lo ta mas grandi.
Sr. Dirksz a sigui bisa cu na momento cu e reforma fiscal tin un impacto ariba e presupuesto di e dunado di trabao, na mesa ora di negocia pa e companianan cu ya caba tin situacion dificil, ta bira mas dificil ainda. Esey si nan ta premira. Por sinti cu e costo di bida a aumenta levemente y cu esaki ta haci cu e negocacion di contrato colectivo por bira dificil.