Un fuerte operativo a inicia den siman den e centronan di e prisonnan di e pais; e militarnan a tuma e control di e prisonnan pa desmantela e bandana criminala cu ta opera desde esaki.
Den e imagennan, distribui door di e lider Xiomara Castro, ta aparece hopi preso, cu tattoo y pia bao, sinta cu nan man patras di nan cabes, tanten nan ta vigila door di e militarnan. E potret ta recorda e gangster nan di e pais bisiña , El Salvador cu na februari di e aña aki a wordo hiba na e megaprison inaugura door di e presidente Nayib Bukele. Segun e secretario di Estados di Defensa Nacional di Honduras, Jose Manuel Zelaya Rosales, e operativo – domina “Fe y Speransa”- ta pretende cu e centronan aki ta scolnan pa e crimen”. E oficialnan hondureño a confisca armanan, telefonnan satelite, grenade y droganan, entre otro di e cosnan, cu a wordo haya den e celnan di e presonan. E plan ta pa e Forza Arma por tin e control di e prisonnan pa un aña.
E accion di militarnan a tuma luga dianan despues cu 46 preso a muri kima y tira den un pelea den e prison, unda supuestamente, e integrantenan di e gangs rival Barrio 18 y Mara Salvatrucha, den un prison cerca di Tegucigalpa, e capital di Honduras.
Castro a describi e pelea “monstruoso asesinato di muhe nan”, a kita e minister di Seguridad y a nombra un hunta di intervencion pa e prison.
E intervencion tambe a tuma luga despues di un fin di siman specialmente violento: riba diasabra so, tabata tin 21 preso cu a wordo mata. 13 di nan tabata victima di un masacre den un biyar na e municipality di Choloma, na e norte di e pais.
