MALAWI – Apesar cu Eric Aniva, un homber di HIV positivo, a admiti cu el a wordo contrata pa tene relacion cu muchanan muhe, su sentencia solamente ta responde na e delito di “practica cultural perhudicial.” Antes di a wordo concudi pa su cel door di polis, Aniva a bisa e agencia di noticia AFP cu e no tabata preocupa pa su encarcelamento.
:Mi ta kere cu mi lo ricibi un sentencia suspendi,” el a declara.
Tras di un huicio di un dia, e homber di 45 aña di edad a wordo haya culpabel di e delito ey, recogi den e seccion 5 di e Acta di Equidad di Genero di Malawi, pa viola e dignidad di e viudanan den participa den un ritual di “limpiesa sexual.”
Diamars, Aniva a wordo sentencia na 24 luna cera cu trabao forsa, pa su actividadnan sexual si proteccion cu muhenan cu a bira viuda recientemente. E practica aki a wordo proscirbi algun aña pasa.
Conoci como “e homber hiena di Malawi”, Aniva a wordo aresta na Juli riba orden di e presidente di e pais aki, Peter Mutharika, tras di e escandalo internacional cu a genera desde su entrevista cu BBC. Presidente Mutharika a pidi pa Aniva wordo procesa pa tin sexo cu mucha muhenan.
Como cu ningun mucha muhe a testifica den su contra, Aniva solamente a enfrenta un acusacion pa tin relacionnan sexual forsa cu muhenan cu a enviuda recientemente.
Ya cu e custumber ta dicta cu “hienanan” no mester uza preservativo, e riesgo di contagio di HIV den comunidadnan cu ta persisti e tradicion ta evidente.
Di e dos muhenan cu a ofrece evidencia, un di nan a bisa cu nan tabata tin sex ora cu e custumber no tabata prohibi y e otro a declara cu e por a scapa prome cu e ritual di “limpiesa sexual” a cuminsa.
Segun coresponsabel di BBC den zuid di Africa, Karen Allen, e caso aki a genera opinionnan opuesto debi cu e ritualnan di iniciacion y limpiesa sexual ta relativamente extendi den algun zona di zuid di e pais.
Fuente: BBC Mundo