WASHINGTON, D.C, Merca- Eleccionnan di medio termino na Merca a marca un record nobo di muhenan eligi pa e dos camaranan di Congreso, cu 113 representante y senadornan, compara cu e 107 cu ta awo tabata ocupa e asientonan, segun medionan local.
Diamars, un total di 103 hende muhe a wordo eligi, cu ta suma na e total di 10 senadonan cu ta mantene nan asiento.
E muhenan, duramente critica pa president Mericano, Donald Trump, a impulsa principalmente e avance electoral di e democraatnan, cu a logra recupera e control di e Camara di Representante.
E representante Neoyorquino, Alexandria Ocasio-Cortez, democrata Latino, di 29 aña, cu a bira e congresista mas jong di historia di Merca, ta un claro simbolo di e avance aki. Aunke e no ta e unico muhe y Hispano den drenta Capitolio.
Veronica Escobar y Sylvia Garcia ta comparti e honor di ta e prome Hispanonan den representa Texas den Congreso, mientras cu Debbie Murcasel-Powell, di origen Ecuatoriano, tabata un di e sopresanan mas grandi door di impone ariba su rival na Florida, cu mas di e 50% di e votonan.
Otro muhenan cu a destaca door di yega den e Lower House tin ascendencia Africano, Indigena of ta pertenece na e comunidad LGBT (Lesbians, Gays, Bisexual y Transexual). Ilhan Omar, naci na Somalia na 1981, y Rashida Tlaib, yiu di inmigrantenan Palestino, lo ta e prome muhenan Musulman den Congreso.
Ademas, na januari dos muhe Indigena lo sinta pa prome biaha den e House of Representatives: Deb Haaland (New Mexico) y Sharice Davids, cu lo ta ademas e prome persona femenino abiertamente LGBT di Kansas den Congreso.
Den e prome eleccionnan di Merca, despues di e nacimento di e movimento #MeToo varios ta e muhenan cu a kibra e dak di cristal y a subi pa prome biaha cu cargonan eligi, manera e Republicano Marsha Blackburn, e prome Senador femenino den e historia di Tennessee.
Na Georgia, Stacey Abrams ta aspira di bira e prome muhe African American gobernador di e pais, aunke e lo tin cu spera e recuento cu el a solicita debi na e diferencia minimal cu su rival Republicano, Brian Kemp.