PARIS, Francia- E cantante Frances, Charles Aznavour a fayece na edad di 94 aña. Eseaki ta segun un vocero oficial. E reconocido cantautor a fayece diadomingo anochi na su cas na Alpilles, zuid di Francia, despues di su regreso di un gira na Japon.
E zomer aki, Aznavour a hay’e obliga di cancela varios concierto debi na un fractura na su braza, producto di un caida.
E legendario artista di origen Armenio, a crea mas di 1200 cantica den shete idioma diferente, el a bende mas di 100 miyon disco rond mundo y a duna conciertonan den 94 pais.
Di un icono di e cancion Frances, Charles Aznavour a bira un strea mundial te na e punto di tin su mesun strea riba e Paseo di Fama di Hollywood desde 2017.