E fiesta di MIKE riba brug ta un di e mega debenan cu el a causa

Observador: Nos tur ta corda con Mike Eman a grita den Parlamento net prome cu pueblo a rechas’e cu e debe tey pa nos tur pag’e pa futuro. Nos ta corda con Mike Eman a bati riba su pecho y grita cu ta cu orguyo el a crea e debe di pais Aruba. E unico mandatario cu a mira e necesidad di crea y redobla un debe asina grandi y e unico meta pa futuro cu e tawata tin ta pa e siguiente generacionnan bay paga debe. Mientras cu un bon gobernante, su meta pa futuro di un pais mester ta prosperidad y progreso.

Cu orguyo, e debe tey, crea door di Mike Eman, no door di niun otro Partido cu a yega di goberna. Pasobra tur otro Partido cu a yega di goberna nos pais, a sa di maneha debe di nos pais na un manera responsabel. Solamente Mike Eman y su Partido AVP a goberna cu prioridadnan robes, maneho descabeya y ainda ta grita cu ta cu orguyo a crea e debe.

Awo cu Mike a crea e debe cu orguyo, y realidad a dal nos, cu ta di berdad mes e debe aki tey. Situacion financiero di Pais Aruba ta asina malo, laga atras pa Mike Eman, cu te hasta Aruba a perde e confiansa di Hulanda, y di institucionnan financiero internacional. Inversionistanan a perde confiansa den Aruba. Mike a bay, y aunke awo e ta grita cu e situacion financiero ta malo, nos tur sa esey. E situacion financiero ta malo berdad, ta pasobra ta Mike Eman a lag’e malisimo. Y awo ainda e ta malo. Di malisimo el a bay na malo ainda cu e gobernacion nobo aki. Y cu e bon maneho di e gobierno aki, e lo bay awo di malo pa bon. E debe ainda tey, pa nos tur pag’e pa futuro. Futuro a cuminsa ora cu pueblo a rechasa e gobernacion di Mike Eman.

Pero, kico Mike Eman tawata kiermeen cu e debe tey pa nos tur pag’e pa futuro? Esaki ta loke Mike Eman no a lansa su grito di orguyo y bisa pueblo ta kico tur tin pa bay paga pa futuro. Y berguensa di un gobierno ta cu pueblo mester bay paga pa cosnan descabeya di Mike Eman.

•CUMPLEAÑOS MIKE EMAN:• Nos ta corda e fiesta di Mike Eman dia cu el a haci aña na e brug di prosperidad. 147 mil florin sin ainda conta tur e recibonan cu ainda no a wordo haya. Mike a haya ta bon pa celebra cu su coordinadornan gastando 147 mil florin. Gastando na cuminda y bebida, asina tanto cu nan a huur 40 WC portatil cu a costa pueblo 4000 florin. Y un WC portatil pa Mike Eman uza e anochi ey na balor di 850 florin. Un total di 4850 na WC e anochi ey. Sigur, esaki pueblo a cuminsa paga, parti di e debe cu nos tur mester paga pa futuro.

Y asina aki, tin mas decisionnan y abusonan di Mike Eman cu ta forma parti di e mas di 4 biyon florin laga atras pa nos paga pa futuro. Y futuro a cuminsa despues cu Mike Eman a wordo rechasa na september 2017. Y pueblo a cuminsa paga un debe cu Mike Eman a haci sin consideracion na e futuro generacionnan. Un mandatario cu solamente a visualisa un futuro pa nos yiunan y nan yiunan paga un debe descabeya.

 

Comments

comments