Aeropuertonan rond di mundo a sufri diahuebs mainta un fayo informatico cu a provoca e paralisacion di cientos di vuelo.
Segun medionan internacional a publica, a reporta un problema den e “software” di e lineanan aéreo cu a provoca problema den e sistema di facturacion of di “check in.”
A tuma luga problemanan na e aeropuertonan di Ronald Reagan (Washington, Merca), Gatwick (London, Reino Uni), Charles de Gaulle (Paris, Francia), Zurich (Suisa), Johannesburg (Sur Africa), Melbourne (Australia) y Changi (Singapore), entre otro, segun e corant El Mundo na Spaña a reporta. E medio Ingles, The Telegraph a informa cu ta 125 linea aéreo ta loke a wordo afecta cu e faya informatico aki.
Fuente: www.laopinion.com