Madrid, SPAÑA- E ex- presidente di e comunidad di Madrid, Ignacio Gonzales a keda deteni diaranson, segun fuentenan di Guardia Civil Spaño.
El a wordo deteni den cuadro di un investigacion cu ta tumando luga pa un presunto caso di corupcion dne e canal Isabel II cu ta e empresa publico cu ta encarga cu e awa den e comunidad di Madrid.
Segun un fuente di investigacion a confirma, cu e ta wordo investiga pa delitonan di perjurio, organisacion criminal, malversacion, fraude, falsificacion di documento y corupcion comercial”.
Su partido, cu ta na mando, esta Partido Popular despues a anuncia via un comunicado e suspension temporal di Gonzales den e militancia di e partido.
E detencion ta bin un dia despues cu a keda conoci cu e presidente di Gobierno Spaño, Mariano Rajoy, lo mester declara como testigo den e huicio pa e caso Gürtel, otro problema mas di corupcion cu ta sacudi Partido Popular.