Relaciona cu e encuesta laboral haci door di Departamento di Labor, Sr. Jason Lejuez a splica cu e informacion ricibi lo yuda mehora e bista cu Labor tin ariba e mercado laboral di Aruba. E personanan cu lo wordo bishita, nan informacion pa Departamento di Labor ta esencial. Sr. Jason Lejuez ta sigui splica.
Sr. Lejuez kier a gradici tur hende pa nan cooperacion. E informacion ricibi lo yuda mehora e bista riba desaroyonan di mercado laboral di Aruba. Personanan cu wordo bishita, nan informacion ta esencial. Si acaso nan mester di mas informacion, nan por tuma contacto cu Departamento di Labor, na telefon 523- 720, puntra pa un persona di e departamento di investigacion, di e oficina di investigacion di mercado laboral.
E encuesta ta wordo haci door di un pool di encuestadonan cu ta haci esaki pa varios aña caba, pa Departamento di Labor. Nan a haya un training y nan conoce e encuesta bon. Y ta spera cu nan lo haya e resultado cu tur hende ta sperando.
Por ultimo, Sr. Jason Lejuez a splica cu nan no ta haci e survey online, ta pa motibo cu e metodologia pa haci un labor force survey, ta cu e mester ta un interview na un hogar. Dus, mester yega na e hogar, pa bo tin un idea di e hogar, con e ta ziet eruit, dus cual ta e relacion den e hogar y diferente indicadonan pa asina tin un bon bista di e poblacion di Aruba.