Internacional: E droga Spice ta causando hopi problema den Prison na Inglatera.
Ora un mama ta bishita su yiu den prison e ta ripara e cambio den su yiu.
Robert Morris su yiu homber a cambia bira manera un Zombie. E mama ta conta cu Rob a cuminsa na un edad hopi jong cu humamento di Marihuana cu su amigo nan. Un amigo di nan tawata duna nan.
Ora Rob a haci 18 aña e humamento di Marihuana a afecta Rob su salud mental. Su comportacion a cambia. Tin evidencia cu Marihuana por causa psicosis.
Rob no por a deal cu su adiccion. E a cuminsa horta, ataca hende. Pa motibo di hortamento y maltrato di un homber e a cai sera. Rob a cuminsa usa remedi pa su psicosis.
Pa ora e a drenta prison e ta sufri di schizophrenia y psicosis. Rob ta wordo considera un hende vulnerabel y cu problema mental y toch a wordo encarcela cu criminal nan pisa.
Spice ta un droga sintetico un reemplazo di Marihuana y a wordo crea den aña nan 80 y ta wordo usa den prison nan desde 2012. Pa 2015 e droga ta tur caminda. Pa 2016 e droga ta wordo regristra como un substancia Psichoactivo. Hende nan cu ta usa e droga ta haya incautacion(seizures). Cuidador nan di preso ta bisa cu Spice ta e droga mas piyo cu nan a yega di mira. Usador nan ta bira manera Zombie y hopi ta muri.
E mama ta conta con su yiu ta yame desespera for di cellular di otro preso nan pidiendo placa pa droga sino nan ta mate. Rob tawata wordo tenta y maltrata den prison.
Rob su placa di cantina ta wordo usa pa cumpra cos pa e preso nan cu ta maltrate, nunca un hende a haci nada pa stop esaki. Si e cuidador nan di preso puntra algo di e maltrato e no kier entraga keho y bisa cu nada a pasa. Rob a wordo abusa sexualmente(rape) su mama a haya sa door di raport di prison. Nunca e mama a puntre algo di esaki pa no humiya su yiu mas. Rob tawata haya terapia pa e abuso sexual(rape counselling).
Ora Rob a sali for di Prison e mester sinja deal cu tur locual a pase den prison.
E a scirbi un carta bisando cu e kier haci su mayor nan orguyoso di dje. E a menciona su depresion y kier stop cu Spice. Rob a termina su carta scirbiendo “Mi ta puntra mi mes cua momento ma scohe pa stop cu tanto trips y cu un mente instabil cu ta causa hopi caos.”
Robert Morris a fayece riba 3 di maart 2017 na edad di 25 anja sinta riba un stoel den su kamber. Rob a stik den su mes un saca. E tawata droga y bao influencia di alcohol.
Pas na su resto.
Cortesia: BBC News