E drama di un futbolista Nigeriano: secuestro di su tata

0
RBC Juli 2018
Funmiles-2018

A pesar di e presion, John Obi Mikel a dicidi di disputa e partido pa “no defrauda 180 miyon Nigeriano”.
E capitan di e selección Nigeriano, John Obi Mikel, a hunga contra Argentina diamars ultimo, sabiendo cu su tata a wordo secuestra. Sin embargo, e no a revela niun hende su calvario cu e tabata bibando ya cu e secuestradonan a menasa di mata su tata si e mester pone su mes den contacto cu autoridadnan, ESPN a informa diamars.
E tabata confundi, e no tabata sa kico pa haci. Pero na final e tabata sa cu e no tabata por a decepciona 180 miyon Nigeriano.
Tata di Obi tabata dirigi su mes pa un entiero siman pasa ora cu el a wordo secuestra. Na e momento ey e tabata coriendo riba e caminda Makurdi-Enugu, zuid-oost di Nigeria.
E criminalnan a yama e futbolista cuater ora prome cu e partido contra Argentina. Nan a exigi 28 mil dollar di e tabata kier pa su tata bek sano y salvo. Nan a menasa di mat’e si e hungado mester a tuma contacto cu e autoridadnan of si el a conta un persona di e secuestro.
“Mi tabata confundi, mi no tabata sa kico pa haci. Pero na final mi tabata sa cu mi no por a decepciona 180 miyon Nigeriano”, e centro campista a confesa
“Mi mester a kita sesy for di mi mente y representa mi pais prome. Nan a bisami cu nan lo mata mi tata di biaha si mi mester a conta un hende di esaki”, Mikel a agrega.
E futbolista tampoco a papia over di e incidente cu e coach ya cu e no tabata kier a desconcentr’e prome cu’n partido importante, cu finalmente a caba den un derota di 2-1 pa Nigeria.
Segun ESPN, tata di Mikel finalmente a wordo rescata pa polis Nigeriano dialuna y actualmente ta hospitalisa.

Comments

comments

C: Heineken
new india