Zs Mr Groningen e barco militar Hulandes diamars mainta a yega Curacao na e post di KustWacht. Abordo tabata tin e dos curpa sin bida di e militarnan cu a perde nan bida diadomingo atardi pabou di Aruba ora cu e helicopter a cay.
A tene un seremonia como despedida di e dos curpanan riba e barco te den e auto funeral. Asina e patruyanan di marechaussee a guia e auto funeral pa Parera unda e autopsia lo tuma luga riba e dos curpa. Despues di e investigacion e curpa lo keda manda Hulanda di biaha pa yega cerca famia.