FATIMA, Portugal – Papa Francisco lo canoniza e dos cuidadonan di carne di Portugal e siman aki, coronando un creencia cu a cuminsa cu un supuesto vision di e Birgen 100 aña pasa. Esaki a haci e Santuario di Fatima un di e mas famosonan pa mundo catolico.
Ta ser spera casi un miyon di persona cu lo asisti na e canonizacion diasabra na e Santaurio cu a wordo lanta na honor di e muchanan, cu segun Vaticano a ricibi algun mensahe di e Birgen cu ta conoci como e secretonan di Fatima, nombra na e ciudad di e centro di Portugal na unda e aparicionnan a tuma luga.
“Pa e momento bendiciona cu ta culmina un siglo di momentonan bendiciona, mi ta regocija den preparacionnan di oracion intenso”, e Papa a bisa den un mensahe na e pueblo Portugues prome cu su bishita di dos dia.
Pa Portugal, un di e paisnan mas catolico di Europa cu un 81 % di e poblacion ta profesa e fe aki, e evento ta uno historico pa motibo di e storia di e cuidadonan di carne aki cu ta universalmente conoci.
“Bon Bini, Papa Fransisco”, por a lesa ariba un di e cartelnan di e imagen di e Pontifice y di e muchanan cuidadonan di carne den un di e principal crusadanan vial di Lisboa.
“Bienvenido, Papa Francisco”, se leía en un enorme cartel con imágenes del Pontífice y de los niños pastores colgado en una de las principales intersecciones viales de Lisboa.
Segun pader Vitor Coutinho, subdirector di e santuario di Fatima, e pontifice tabata mustrando e importancia di Fatima pa Iglesia haciendo e canonizacion na Fatima y no na Roma, unda cu normalemente e ta wordo haci.
E historia di e rumannan Fransisco Marto y Jacinto Marto a cautiva e catoliconan desde e prome vision cu a wordo raporta dia 13 di Mei 1917. Su prome vision tabata di fierno y un yamada pa oracion y pa conversion, mientras cu e di dos tabata un advertencia di cu Rusia lo extende su foutnan na mundo henter, si e nan no busca di Dios.
E di tres secreto a intriga mundo durante casi mita siglo, inspirando bukinan y cultonan. Tabata na 2000 cu Vaticano a bisa cu e secreto aki tabata un prediccion di e atentado di 1981 contra di Papa Juan Pablo II, cu a sobrevivi y despuse a entrega e obispo di Fatima e bala cu a impacta su curpa.
Fuente: www.reuters.com