Aruba Bank ta sumamente complaci pa ta e patrocinado di e di VII Sustainable Education Symposium Aruba 2018 organisa pa un comision instala pa Biblioteca Nacional Aruba (BNA). E tema di e aña aki ta Local Medicinal Plants/Matanan Medicinal Local.
E proyecto di Sustainable Education Symposium (SES) ta directamente relaciona cu e Sustainable Development Goals (SDG’s) di United Nations cu Biblioteca Nacional Aruba ta traha riba nan. E “goalsnan” of metanan #3 (Salud y Bienestar), #4 (Calidad di Educacion), #15 (Bida riba Tera), #16 (Pas y Husticia) y #17 (Partnership) ta directamente relaciona cu e SDG’s menciona.
Aruba Bank ta un compania cu ta promove sostenibilidad y p’esey ta mira e importancia di sostene BNA cu e meta aki. Na 2016 a introduci su iniciativanan di Green Wave cu ta productonan y servicionan cu Aruba Bank ta ofrece cu ta permiti e organisacion y su clientenan bira mas consciente y eficiente den practicanan sostenibel. Tur esaki den cuadro di un di nan pilarnan strategico, We Care.
Por ehempel na Januari 2017 Aruba Bank a sostene e iniciativa di gobierno ariba e “Ban of Plastic Bags” y a yuda clientenan den transicion pa un bida mas consciente y sostenibel. Aruba Bank a regala clientenan “shopping bags” reusabel durante di e tres (3) prome lunanan di aña.
Ademas di esaki ta ofrece clientenan “electronic bank statements” pa reemplasa e uzo di papel y asina haci nan contribucion na nos medio ambiente y un futuro sostenibel pa futuro generacionnan. Ademas di esaki tin numeroso otro iniciativanan di banco.
E iniciativa di Green Wave ta un esfuerso cu ta inclui accionnan den tur departamento cu ta haci e operacion di Aruba Bank en general uno sostenibel. Pa mas informacion ariba iniciativanan di Aruba Bank ariba e tereno di sostenibilidad y medio ambiente por bishita: https://www.arubabank.com/aboutus/green-initiative