MIAMI, Florida – E di shete tormenta tropical di e temporada di horcan den e cuenca di Atlantico por converti den horcan e anochi di diamars.
E di shete tormenta tropical di e temporada di horcan den e cuenta Atlantico, Gaston, a forma diamars, Centro Nacional di Horcan (CNH) di Merca, a señala.
E tormenta a presenta bientonan maximo sosteni di 65 kilometer pa ora, cu rafaganan mas halto y ta move cu direccion west noordwest riba un velocidad di traslacion di 30 kilometer pa ora, segun CNH, cu sede na Miami (Merca).
CNH a pronostica cu Gaston lo fortalece den e proximo dianan y lo converti den un horcan e anochi di diamars of diaranson.
Di acuerdo cu e mas reciente boletin di e centro meteorologico, e sistema ta ubica na 725 kilometer west zuidwest di e extremo zuidwest di e islanan di Cabo Verde.
CNH no a duna di conoce pa awo di e emision di algun vigilancia of avisonan costero.
E sistema aki ta e di shete cu ta forma di e presente temporada di horcan den e cuenca Atlantico, cu a cuminsa dia 1 di Juni.
E temporada di Horcan den e cuenca Atlantico por ta “cercano na lo normal,” cu 10 pa 16 tormenta tropical, segun pronostico di e Administracion Nacional di Oceanonan y Atmosfera (NOAA) pa e aña aki.
Fuente: NTN24