E di dos edicion Happy Drink di Scolnan Basico di Pariba di Brug, for di Pos Chikito te cu San Nicolas. Esaki tabata pa muchanan di derde te cu zesde klas. Sra. Rulienne Arends, di FADA ta splica.
Pa e dia aki tabata tin al menos 50 mucha cu a presenta, cual pa FADA tabata algo hopi bon. Muchanan por a cera conoci cu e luga, unda cu muchanan algun a bin cu mayor y tambe docentenan. Por a wak cu tin mas espacio pa haci diferente actividadnan mas. E pueblo por spera hopi mas actividad di FADA y tur tin como meta pa conscientisa e pueblo di ARuba. Lo purba enfoca ariba mas mucha di diferente edad. E Happy Drink tabata enfoca mas ariba muchanan di derde te cu zesde klas. FADA ta contento di con e actividad a bay.
E atardi aki tabata compaña pa musica di Mike Super Disco, djnan di Massive FM tambe tabata presente. Muchanan a haya nan popcorn, nan cotton candy, diferente bebidanan non alcoholico. Staigairenan di FADA a zorg pa un obstacle course, unda cu nan a haci diferente actividad tambe. E atardi, en general a bay hopi bon.
Ta sigur cu esaki tabata e di dos edicion y sigur cu sigui haci mas actividad, e por bira mas grandi y haya mas mucha. FADA ta pidi pa tur hende keda pendiente pa e siguiente actividad cu FADA lo organisa na nan oficina na San Nicolas, segun Rulienne Arends, di FADA.