Global Designathon 2018 y HopeAruba Movement Foundation: 1.000 mucha rond di mundo lo traha riba solucionnan pa diseña un miho mundo y pa prome biaha Aruba tambe ta participa!
Den e di cuater edicion di “Global Children’s Designathon” cu lo tuma luga riba diasabra 3 di november. Durante e dia aki hopi special, 1.000 mucha rond di mundo di 30 ciudad, di Melbourne pa Bogota, y di Amsterdam pa Johannesburg, lo traha parelelo pa diseña solucionnan creativo pa deforestacion, cu ta forma parti di e “Sustainable Development Goal” number 15: Bida riba Tera.
Na Aruba, e marathon aki lo tuma luga na International School of Aruba. Muchanan lo cuminsa nan dia cu estudio riba deforestacion na Aruba y consecuencia di polucion di aire, especienan den peliger, como tambe destruccion di naturalesa riba tera.
E di dos fase di e dia aki, e muchanan lo sketch y trece nan idea na bida, dor di crea prototiponan di nan idea usando materialnan recicla, motornan chikito, micro-bits, lusnan Led, sensors y otro materialnan.
Pa medio di internet, e muchanan lo ta den contacto cu ekiponan di otro pais y nan lo presente nan idea na expertonan local, mayornan y publico invita.
E proceso ta basa riba e Designathon Method, cu ta un metodo di educacion pa siña muchanan rond di mundo pa usa nan creatividad y diseña nan futuro dor di haci uzo di tecnologia. E metodo ta combina “Design Thinking” y “Makers education”, cual tur dos metodo ta hayando mas acogida rond di mundo den e sistema di educacion.
Muchanan rond di mundo ta preocupa cu nos sociedad y e futuro di nos tera. E ideanan innovativo cu muchanan ta trece pa dilanti tocante e tema por ta uno hopi valioso. Ta asina cu hasta den pasado ideanan a wordo adopta dor di companianan den consultacion cu e diseñadornan hoben cu a wordo desaroya den servicionan of productonan.
E di cuater Global Children’s Designathon ta un iniciativa di Designathon Works y ta wordo presenta na Aruba dor di su Partner HopeAruba Movement Foundation.
Global Children’s Designathon ta wordo apoya dor di e cuidad di Amsterdam, Patagonia, Bugaboo, Talud, Yoxi, Chocolonely Foundation, Conservation International, WWF, PWC, World Largest Lesson y Expo Live.
————————————————————————————–
Fin di relato pa prensa
————————————————————————————–
Photo of GCd 2017 in Amsterdam