Aruba Triathlon Association tin e honor di organisa e di 59 edicion di e 10K Boulevard Race, cual careda lo tuma luga riba Dia di Rey, esta 27 di april 2019.
Esaki ta un careda cu anualmente ta conta cu participacion di alrededor di 600 participante, local y internacional. Hopi ta e atletanan internacional cu ta regresa pa participa na e careda aki.
E di 59 edicion di e 10K Boulevard Race lo wordo dedica na señor Hary Janssen, e fundado di e evento aki.
E careda lo start 5:30 pm y bay direccion rotonde Marriot Hotel/Bakval pa Sasakiweg, na altura di Palm Beach Plaza lo bira na man drechi pasa dilanti High Rise Hotels, na altura di ex-Westin/Riu Antilles lo bira na man drechi direccion Eagle Beach y Low Rise Hotels te na luznan di trafico na crusada Sasakiweg, akinan lo bira na man drechi direccion rotonde Wendy’s bay termina na altura di parkinglot di APA.
Inscripcion por tuma lugar:
– SOLAMENTE Online via e link riba e Facebook page “Aruba International 10K Boulevard Race” of via e website di Aruba Triathlon Associaction www.itsyourrace,com
– Pago MESTER tuma lugar na oficina di IBISA, entrante 1 di april 2019.
Te cu dia 13 di april 2019 inscripcion ta costa Afl. 30,– pa atleta local y US$ 30,– pa atleta internacional.
Despues di dia 13 di april 2019 inscripcion ta bira: Afl. 35,– pa atleta local y US$ 35,– pa atleta internacional.
Inscripcion ta wordo considera como completo y confirma ora e pago keda haci na Ibisa!!
Lo tin un bunita t-shirt como recuerdo di e careda aki. Tur participante cu inscribi lo ricibi esaki hunto cu su Bib ora e pago keda haci. Tene na cuenta cu pa size di t-shirt desea, esaki lo ta tanten e size ta disponibel.
Premiacion lo ta como lo siguiente:
Trofeo y premio efectivo di Awg. 1.000,–, Awg. 750,–, Awg. 500,– pa respectivamente e prome 3 (tres) atletanan masculino y femenino cu termina e careda.
Tambe lo tin trofeo pa e prome 3 atletanan di cada categoria di edad.
Categorianan ta como lo siguiente:
Masculino: 14-19, 20-29, 30-34, 35-39. 40-44, 45-49, 50-54, 55-59, 60+
Femenino: 14-19, 20-29, 30-34, 35-39. 40-44, 45-49, 50-54, 55+
Di antemano nos kier manda un danki grandi na e sponsornan di e evento aki cu a y lo yuda pa e evento aki por tuma lugar. Esakinan ta Stichting Sport Subsidie Aruba/Lotto pa Deporte,
Banco di Caribe, Ennia, Aruba Ports Authority N.V., Setar N.V., VNO, Albo Aruba N.V., Cerd,
Total Services, The Palm Tours, Tri-Bike Aruba, C3 Critical Communication Caribbean,
Aledda N.V, AGW Tours y IBISA.
Tambe na Cuerpo Policial, Motor Unit y sin lubida e boluntarionan cu lo yuda e dia aki!!