Gobierno Colombiano lo cuminsa otorga paspoort Colombiano nobo y esaki tambe lo ta e caso aki na Aruba via e consulado Colombiano na Aruba. Sra. Mirza Gnecco, consul di Colombia na Aruba, ta splica mas ariba esaki.
Esun cu ta desea esaki lo por tramita e paspoort Colombiano nobo aki. Sinembargo, Sra. Gnecco a splica cu no ta necesario. E personanan cu tin paspoort cu chip, no ta necesario, pero esun cu ta desea esaki lo por haci esaki. E paspoort nobo lo tin e mesun prijs di paspoortnan Colombiano den exterior, cual ta di 145 dollar.
Unabes mas, Sra. Consul ta splica cu pa esun cu tin un paspoort vigente ainda, no ta necesario ainda pa tramita un paspoort nobo.
BENEFICIO
Pa e ciudadano particular, e paspoort nobo no tin niun tipo di beneficio. Pero si nan ta cumpli cu standardnan internacional y e condicionnan di siguridad di e documento aki, ta hopi mas superior na e paspoortnan anterior. Basicamente ta reenforsa e datonan di siguridad di e documento pa autoridadnan migratorio y pa ahusta na e standard internacional vigente.
Desde 15 di juli lo cuminsa otorga e paspoort nobo den tur e oficinanan consular rond mundo. Unabes cu presenta e tres rekisitonan corespondiente, e ciudadano Colombiano lo por tramita su paspoort nobo. E rekisitonan ta:
– Cedula Colombiano
– Paspoort bieu
– Pago na banco
Unabes cu e ciudadano cumpli cu e rekisitonan, lo cuminsa tramita su paspoort nobo. Den un siman di tempo e ciudadano lo haya su paspoort nobo.