Cifranan di tienermoeder a baha na 94 y na 2015 e tabata na 95, pero el a baha bou di 100. Y esey tur e añanan anterior, 2014, 2013, 2012 e tabata riba 130. Sr. Gino Goeloe, director di Wit Gele Kruis ta
amplia.
Desde 2015 y 2016 e ta baha bou di 100. Wit Gele Kruis ta contento y ta p’esey ta bin cu e programa aki tocante sexualidad, den 5de y 6de klas basis y tambe 1e y 2e MAVO. Kisas cierto mayornan tin dificultad pa papia tocante sexualidad cu nan yiunan y p’esey mester tin un programa cu ta wordo uza caba, den e caso aki “Biba Amor” cu tin 5 aña ta draai na Corsou cu resultadonan positivo.
E muchanan ta hopi curioso, segun por a compronde di Sra. Monique Giel y Sra. Dammond y Wit Gele Kruis ta ripara cu e informacion ta bon ricibi cerca e muchanan. Awendia e medianan, tin hopi website cu por pone e palabra “sex” so ta haya yen di cos cu muchanan ta bay ariba dje y nan ta wak cosnan, of e acto sexual. Pero nan no sa kico ta pasa rond di esey. Y ta ariba esaki ta bay educa e muchanan. Tin hopi cosnan cu e acto sexual so. Tin norma y balornan, e parti pa respeta bo curpa. Tambe e diferencia entre bo ta verliefd ariba bo amigo of bo tin’e como amistad. Dus e sentimentonan cu un mucha no por splica.
E programa riba website di Wit Gele Kruis, ta splica con pa bay cu e sentimento, y con pa un mayor papia cu su yiu riba e tema aki tambe, segun Sr. Gino Goeloe, director di Wit Gele Kruis.