PORT-AU-PRINCE, Haiti – Autoridadnan di Proteccion Civil di Haiti a informa diahuebs cu e cantidad di morto a aumenta na 264 persona fayeci como consecuencia di horcan Matthew, cu a asota e pais empobreci aki diamars ultimo.
Direccion di Proteccion Civil di e Departamento Sur, un di e mas afectadonan pa e fenomeno, a duna di conoce e informacion. Oranan antes, e minister di Interior Haitiano, Francois Anick, a informa cu por lo menos 108 persona a fayece a cuasa di Matthew segun un informe preliminar, Efe a destaca.
E paso di horcan Matthew riba Haiti a laga un situacion catastrofico, segun e Gobierno Haitiano cu a apela riba ayudo internacional. Imagennan di e zonanan afecta ta devastador. Mayoria di e mortonan a tuma luga na Les Cayes, Dame Marie y Jeremie, den e departamento Zuid, una cu ainda no tabata posibel restaura servicionan telefonico ni internet.
E organismonan di ayudo a bisa cu ainda nan ta traha buscando mas persona fayeci of herida den e zona di dificil acceso.
E responsabel di e Mision di Nacionnan Uni pa e Stabilisacion di Haiti (Minustah), Sandra Honore, a expresa diahuebs cu “nos ta lamenta hopi e sufrimento di e victimanan, un biaha mas Haiti ta sufri.”
E representante di e secretario generla di e Organisacion di Nacionnan Uni (ONU), Ban Ki-moon, a reitera e apoyo di e organisacion aki na e pais den e “momentonan duro” aki y a sigura cu semper di ta hunto cu e Haitianonan pa asisti na esnan cu ta sufriendo.
“Nos ta yama tur pa expresa nan solidaridad na e momento crucial aki,” e declaracion di Honore a conclui.
E impacto di horcan Matthew na Haiti a obliga yaera na autoridadnan electoral pa suspende e comicionan general cu tabata programa te cu diadomingo awo.
Presidente di e Conseho Electoral Provisional (CEP), Leopord Berlanger, a bisa den un rueda di prensa: “pa awo nos no por garantisa e distribucion di materialnan (electoral) den henter e pais,” pa loke ta proximo siman lo anuncia un fechan obo di e comicionan, crucial pa e stabilidad politico y social di e nacion aki.
Fuente: El Universal