TULTEPEC, Mexico – E cantidad di victimanan mortal den e explosion cu a tuma luga den e mercado di wegana pirotecnico na Tultepec, Mexico, a aumenta na 35, segun autoridadnan di e Estado di Mexico a informa.
Segun autoridadnan, 26 a muri na e luga di e hecho y 9 na hospital.
“E decesonan mas reciente ta dos hende muhe: un menor di edad den e Instituto Nacional di Rehabilitacion, den e caso aki, ta mantene coordinacion cu autoridadnan di e Ciudad di Mexico pa e entrega na su famianan y e otro na e Hospital di alta Especialidad di Zumpango, cu tambe ta den proceso di entrega,” e Estado di Mexico a afirma den un comunicado.
E explosionnan fuerte a keda registra diamars den e mercado di San Pablito, e mas grandi di pirotecnia di e pais, cu 16 aña di funcionamento y considerando un di e mercadonan mas sigur di e region.
Di e heridonan varios por a bay cas, pero por lo menos 37 ta keda den hospital, algun di nan den condicion delicado.
Den un reporte di diahuebs mas tempran, a bisa cu 12 persona lo a keda desapareci, segun e Procuraduria di e Estado di Mexico. Te cu asina leu, no ta conoce si e cifra aki a cambia.
Autoridadnan ta investiga e causa di e incidente y ta pidi personanan pa nan aleha di e luga.
Ta un area densamente pobla hopi cercano di e Ciudad di Mexico.
Fuente: CNN en Español