Calor ta algo cu mester tene na cuenta cune paso hopi hende ta bira malo pa cual aki director di Wit Gele Kruis Aruba, Sr. Gino Goeloe ta splica.
Den e temporada di Augustus cu September ta e lunanan mas calor cu nos ta hayando nos confronta cun’e. E ta un calor inmenso y no tin biento. Esey ta pone cu na Aruba, den e caso cu ta traha den e calor, Wit Gele Kruis semper ta bisa cu bo ta traha den un calor, percura cu e rato di cu ta mas calor, di entre 10 or y 2 or, cu e calor ta inmenso y bo ta gusta cushina entre 11 y 12 or, pa cushina mas trempan y haci trabao di cas mas laat.
Nos grandinan ta custuma di cushina di entre 12 pa 1 or pa e yiunan bin come, of prome cu esey. Pero den e temporada aki di horcan, WGK ta bisanan pa por fabor cushina mas trempan, y haci cas limpi pa 3 or, ora cu e solo ta bahando un tiki. E calor inmenso ta ocasiona presion halto y hopi di e grandinan ta sufri di dje y ta tuma pildo pe.
E problema ta sinta na e adultonan cu ora cu bo wak bek, cu na hospital diariamente bo ta haya casonan cu ta drenta hospital cu presion halto ta mas adulto pero tambe grandi. Pero e adultonan, pasobra cu nan no ta tuma nan pildo na ora, nos lifestyle no ta esun di mas saludabel cu tin y nos no ta move mey ora pa dia. Tambe bebemento di awa cu e hoben y adultonan no gusta. Pero esey semper ta bisa cu e triki ta di den awa, corta lamoenchi of apelsina tir’e den kanika di awa, pone den frigidaire y e ora bo ta haya poco smaak di zuur of zoet y esey ta locual nos gusta bebe y e ta algo saludabel tambe.
E solo ta keda un tiki halto te cu 7 or di anochi y pesey WGK ta prefera y ta bisa e grandi y e adulto te 3 or. Pero si bo por rek’e un tiki mas, aunke e grandinan ta bisa cu mester caba cu e trabao. Preferibel hacinan mainta trempan of anochi, paso e solo ta asina cayente, ta asina calor cu e ta subi bo presion y ora cu esaki subi, bo por haya un atake di curason.
E lunanan di ataca di curason y ataca celebral ta tuma luga den luna di horcan, unda ta calor. Y e ultimo dos lunanan ta esunnan mas calor. Y con cu bay bin, WGK mester keda duna conseho pa keda for di e solo mas tanto posibel. Paso ta e solo, no solamente ta kimabo, pero e ta hacibo malo tambe.