E buskeda di Citgo pa un CEO nobo ta avansando y ta inclui ex ehecutivonan di PDVSA

CARACAS, Venezuela- Citgo Petroleum Corp, e subsidiario Mericano di e petrolero estatal Venezolano, ta moviendo den direccion di nombra un director ehecutivo nobo, y e nombernan cu ta bin dilanti ta inclui ex ehecutivonan di PDVSA y otro companianan cu pronto lo wordo presenta na e directiva.

Na februari, e ex gerente general Asdrubal Chavez y varios otro ehecutivonan di Citgo, cercano na e presidente Venezolano Maduro a wordo expulsa mei mei di un bataya pa e control di e subsidiario.

E di ocho refineria mas grandi di Merca, desde e tempo ey tabata wordo dirigi pa e presidente Luisa Palacio y un grupo di ehecutivonan halto di Merca y di Venezuela.

Un comite di buskeda di Citgo a cuminsa evalua mas di un decena di candidatonan, segun Palacios a informa den un comunicado na Reuters diahuebs. E ta spera di por recomenda un ehecutivo cu tin e “standaardnan etico di mas halto” y cu lo por aporta “un CV berdadero den e mundo compleho di petroleo”, el a bisa.

E buskeda, cu ta tumando luga sin un compania di reclutamento, a identifica candidatonan, tur di nan cual ta Venezolano y mayoria di nan ta ex ehecutivonan di PDVSA, según personanan familiarisa cu e tema cu a pidi pa no wordo nombra. Esaki ta inclui Julio Hasselmeyer, Edgar Rasquin y Andres Riera.

Dos miembro actual di e Hunta di Directiva di Citgo, Luis Urdaneta y Edgar Rincon, tambe a solicita pa e puesto, fuentenan a informa.

Gustavo Baquero, kende ta vice-presidente ehecutivo, excelencia den tecnologia di operacion na e compania Noruego Equinor SA, y Carlos Jorda, ex vice-presidente di refinacion y mercadotecnia na PDVSA, cu actualmente ta trahando den e consultancy di energia Gaffney, Cline & Associates, tambe ta den e careda, segun informenan.

Jorda a nenga di duna comentario. Baquero no a responde di biaha na e solicitud pa comentario. Urdaneta, Rincón, Rasquin, Riera y Hasselmeyer no tabata disponibel pa duna comentario.

E proximo hefe lo dirigi un negoshi di mas o menos 30 biyon dollar pa aña, cu ta inclui refinerianan na Texas, Louisiana e Illinois cu’n capacidad de procesamento di crudo combina di te cu 750 mil bari pa dia. Citgo ta opera tambe un red di ductonan extenso y ta comercialisa productonan a trabes di mas o menos 5300 punto di benta minorista na Merca.

Chavez, cu ta dirigi e sede di Citgo na Houston, for di Bahamas, y ta primo di e fayecido presidente Venezolano Hugo Chavez, ainda ta wordo reconoci door di e gobierno di Maduro como CEO, pero e no tin control ehecutivo mas.

Na februari, un directiva ehecutivo di Citgo a wordo designa pa e Congreso Venezolano dirigi pa oposicion, kende su lider, Juan Guaido, ta wordo reconoci como e lider interino di e pais Suramericano pa Merca y otro 50 nacion mas. E hunta di directiva a tuma cargo di e operación diario despues di cu Washington a impone sancionnan diseña pa paralisa e exportacionnan di petroleo di PDVSA y presiona Maduro pa e entrega su renuncia

PDVSA no tabata disponibel pa duna comentario.

E operacionnan diario di Citgo a wordo supervisa pa un grupo di ehecutivonan lidera pa e vice presidente ehecutivo Rick Esser, cu ta informa na Palacios.

E siguiente CEO lo enfrenta e demandanan di e Departamento di Husticia di Merca. Pa haya informacion riba e trato cu ex funcionarionan di PDVSA. Luna pasa, Ministerio Publico a solicita documentonan di Citgo como parti di un investigacion tocante soborno di parti di proveedornan na PDVSA. Citgo a bisa di ta cooperando cu e investigacion.

E investigacion di e Departamento di Husticia a resulta den cargonan contra di 21 persona, 16 di cual a declara nan mes culpabel entrante e luna aki. Tocante e investigacion Maduro a bisa cu e esaki ta wordo motiva politicamente y a bisa cu e lo lucha pa recupera e control di Citgo.

Comments

comments