Hunto cu e temporada di mas dushi cu ta bati na porta, fin di siman aki, Post Aruba lo ta repartiendo na tur residencia di Aruba e buki di SETAR den cual tin tur locual ta e ofertanan pa fin di aña.
E aña aki tin un bunita portada di e parti di e costa panort di Aruba. Y ta inclui hunto cu e ofertanan varios bista panoramico di Aruba.
E enfoke e aña aki a bay riba con SETAR por sirbi e cliente miho, con e cliente di SETAR por bay disfruta di maneranan mas facil pa paga cobransa of pone carchi den celularnan prepaid den un solo biaha na e SETAR Self Service Kiosknan cu ta birando popular. Ademas di informacion di diferente celular, tin varios pakete incluyendo data cu ta pas cu tur cartera.
Tin promocionnan special riba celular nobo, oferta pa clientenan cu ta interesa den servicionan di cas, e servicio online via MiSETAR y mucho mas.
Manera tur aña SETAR tin premionan di fin di aña y na fin di 2016 no ta excepcion. Nos lo ta regalando premionan cash, biahe, gasoline y comestibel!
Clientenan cu probecha di e promocionnan lo por participa pa gana un di e premionan aki:
· 10.000 florin cash of 5000 florin cash
· Biahe pa Costa Rica (cu ta inclui hotel, pasashi y tour) na balor di 6000 florin.
· Comestibel pa 1 aña largo na balor di 3600 florin
· Gasolin pa 1 aña na balor di 2400 florin
Tur temporada di fin di aña SETAR ta lansa descuentonan y ofertanan sumamente atractivo pa henter e pueblo di Aruba. Promocionnan ta valido te cu 31 di December 2016.