E “Bonaire 48 hours film edition” lo tuma luga e weekend aki

Den e Bonaire edition di e proyecto internacional “48 hour film project, localnan ta skirbi, filma y edita un film di 4 pa 7 minuut, den un solo weekend. E evento lo tuma luga e weekend di 2 pa 4 di november, 2018. Tur film cu wordo manda lo tin nan première pa publico dia 7 di november den e BYOF Theater di Bonaire.

Personanan di tur edad, habilidad y nivelnan di experiencia ta bon bini. Tanto productornan experiencia y nobatonan ta haya cu e deadline ta un empuhe pa nan termina e weekend cu’n pelicula cla, algo cu ta hopi moeilijk pa haci den e mundo real. Segun Dennis Martinus, Meralney Bomba & Roelton Thode, productornan di e Bonaire 48 Hour Film Project “Cineastanan ta haya cu sensacion di wak nan film riba e pantayanan gigante dilanti un publico ta emocionante y un experiencia inolvidabel”. Tur e peliculanan cu wordo pasa ta eligibel pa reconocimento door di e publico y esunnan cu a manda nan pelicula na tempo ta wordo husga pa diferente premio door di un panel di cineastanan local. E pelicula cu gana e titulo di “Best Film” di Bonaire lo wordo manda pa e competencia di 48HFP internacional 48HFP Filmapalooza, proyecta y husga hunto cu 140 ganadonan di diferente partinan di mundo. For di eynan, 12 pelicula lo wordo scogi pa wordo proyecta den e Short Film Corner durante Cannes International Film Festival. Aña pasa, e pelicula ganado di Bonaire, a wordo selecta como e di 12 miho cortometrahe traha den 48 ora rond mundo.

Pa mas detayes of informacion bishita e website http://www.48hourfilm.com/bonaire

Comments

comments