MILAN, Italia – E benta di e club di futbol AC Milan na inversionistanan Chines, cu mester a finalisa diabierna, por wordo suspendi te na fin di luna, segun fuentenan cercano na AFP a bisa diaranson.
“E parti Chines a pidi pa pospone e firma pa un luna. Esey lo ta posibel cu e pago di un transferencia nobo di 100 miyon di Euro,” e fuente a indica.
Silvio Berlusconi, presidente di e ekipo Italiano, desde 1986, a duna su bista bon na e acuerdo na Augustus 2016, pa bende e club pa 740 miyon di Euro.
Segun prensa Italiano, e grupo di empresario Chines, cu ya a paga 200 miyon di Euro, ta den dificultadnan financiero despues di e retiro di un di e inversionistanan.
E corant La Republica a afirma cu un di nan lo tin cu aporta entre 80 y 100 miyon di Euro, a retira pasobra nan no a logra obtene e permiso pa move nan capital pafo di China.
“E ta parce un joke, un di nan cu no ta hacibo hari,” e corant deportivo, Gazzetta dello Sport, a comenta.
E acuerdo seya entre Fininvest, e holding di Silvio Berlusconi y Sino-Europe Sports (SES), cu a representa e cumpradonan Chines, ta supone e 99% di e partinan di e club Lombardo pa 740 miyon di euro, di cual 220 miyon ta debe.
Na e momentonan aki, solamente falta 320 miyon di euro pa e compra wordo conclui.
Fuente: http://globedia.com