E hoben talentoso Arubiano, Stefan Bartels Daal conoci como “STEVE ANDREAS” a lansa un tema musical y CHUCKIE ta su socio riba Spinnin’ Records, un plataforma internacional. E nomber di e cancion jama “Latino” y ja a lanse te cu por scuche y ta via media radial y digital reconoci rond mundo. Diferente DJ renombra tanto riba nivel Nacional como tambe Internacional ta tocando y support “Latino”. DJ nan manera David Guetta, Hardwell, Sunnery James & Ryan Marciano, Kriss Kross y mucho mas! Chuckie a marca su number cu e hit mundialmente “Let the base Kick”, cu a ponele den e DJ Mag Top 100. Actualmente Chuckie ta toca na varios club y festival conoci rond mundo. E cancion ta parti di e cartelera musical den varios radio shows rond di mundo manera Merka, Europa, Sur America y mas…
E cancion “Latino” ta energetico cu un melodia hopi pegajoso. Por a tuma nota ku na un festival grandi manera Ultra Miami ya kaba Hardwell a inclui e cancion “latino” di Steve Andreas y Chuckie riba su playlist tocando esaki dilanti miles di persona i e recepcion y reaccion di e publico tabata inmensamente positivo. Tambe por sigui Steve Andreas riba su pagina nan di social media, y asina bo tambe por disfruta y ta testigo di e momento emocionante ora cu Hardwell tabata toka e cancion den LIV Miami, un club sumamente conoci den Fontaineblue Hotel cu ta atrae celebrities y VIP’s. Pa esun nan cu no ta na altura of no conoce,…Hardwell tabata #1 DJ na mundo den e temporada di aña 2013 y 2014. Actualmente hardwell ta number #4 na mundo.
“Latino” e cancion nobo di Steve Andreas y Chuckie, a wordo lansa riba e plataforma “Spinnin’ Records” un plataforma cu ta conoci como e plataforma mas grandi mundial mente pa loke ta House music. Por conclui cu casi tur DJ reconoci mundialmente a traha cu e label aki, Dj nan y tambe Producers manera Martin Garrix, Afrojack, Dimitry Vegas & Like Mike, Maarten Vorwerk, Oliver Heldens y mucho mas! Steve Andreas ta e prome Arubiano cu ta logra di lansa un tema musical riba Spinnin’ Records y nos ta sumamente orguyoso.
“Latino” a ranca sali recientemente dia 9 di July y ta disponibel riba tur plataforma di streaming mane Spotify, Deezer, Youtube Shazam, i-Tunes y mas.
Pa futuro cercano ya tin un otro colaborashon cu e duo “Afrobros” cual hunto cu Jeon ta responsabel tras di e Hit Internacional “X (Equis) di Nicky Jam cu J. Balvin.
Por sigui Steve Andreas riba tur su canal nan di social media, pa tur informacion di su bookings, releases y mas musica!
“Music is Life”