Temperatura global lo kibra cu tur probabilidad recordnan di calor na 2016, como ya el a haci na 2015, segun un informe di e Organisacion Meteorologico Mundial (WMO), presenta dialuna na Marrakech durante e cumbre climatico.
“Ta hopi probabel cu 2016 lo ta un aña mas calor di tur registra (…) cu temperaturanan cu lo ta 1,2 grado riba e nivelnan pre industrial y 0.88 grado riba e periodo 1961-1990, e informe a señala basa riba datonan recogi entre Januari y September di e aña aki.
Entre e pieknan di calor nunca alcansa te cu e fecha, e informe ta cita esunnan di Pretoria, Sur Africa (42.7 grado), Tailandia (44,6), Phalodi, India (51 grado), Basora, Irak (53.9 grado) of Mitribah, Kuwait (54 grado).
E aumento di temperatura a wordo asocia ademas na registronan record den otro fenomenonan manera disminucion di ijs artico, e incendionan forestal, e menguamento di e barera di coral y e aumento di fenomenonan extremo manera ciclon, maremoto y sekia di gradonan severo segun e medicionnan di WMO.
No ta solamente afirmacionnan abstracto, ya cu e informe ta cita fenomenonan concreto registra na 2016, manera Horcan Matthew cu a destrosa Haiti, e inundacionnan di Yangtze na China of e incendio cu a asota Fort MacMurray, Alberta (Canada), na Mei, ademas di e fenomeno di El Niño, particularmente den e periodo aki di 2015-16.
Entre e consecuencianan humano, esun di mas grave a wordo produci na Haiti, 540 morto door di e ciclon y pa e inundacionnan na China y Sri Lanka, mas di 500 morto, loke ta suma miyones di damnificado pa motibo di ciclon y tornado y e desplasamento forsa di 14.7 miyon di persona door di sekia y inundacion, principalmente zuidoost Asiatico.
WMO a propone den su informe cu e registro di temperatura lo wordo haci awo cu balornan semanal, pa midi cu mas precision e impacto di e cambio climatico, algo necesario pa sectornan manera agricultura, gestion di awa, plannan energetico of salud por adapta nan previsionnan mundial.
Fuente: NTN24