Tin cierto servicionan caminda cu tin prijsnan fiho cu ta wordo poni pa un of otro producto of un servicio. Esey kiermen cu esun cu ta brinda e servicio di bende algo, no por a uza e prijs, ya cu esey ta loke mester cobra. Sra. mr. Luenne Gomes- Pietersz, directora di Departamento di Impuesto, ta amplia mas ariba esaki.
E comision pa loke e persona ta ricibi pa brinda e servicio eynan, esey ta loke ta wordo confronta cu BBO, BAVP y BAZV. Y ariba e comision ey cu ricibi, mester paga belasting. E ta algo cu por wordo considera un tiki inhusto, ya cu e prijs di e producto a keda mescos, pero e belasting ta subi. Esey ta bay come den e margen di e ganashi.
Den casonan asina por papia cu esun cu cual bo tin un contract cun’e, pa brinda un cierto servicio, caminda lo bay ahusta e comision, unda cu tin mas espacio pa paga e ahuste di belasting. Den e caso ey, e ta entre e comerciantenan lo mester tin cierto palabracionnan.
Loke Departamento di Impuesto y ultimadamente, loke minister ta mira, cu si e ley manera cu e ta aworaki ta wordo ehecuta. E 6% lo mester wordo paga. Por haci algo cu e comision pero esey ta entre e comerciantenan mes. Pa haci algo cu esaki, lo mester papia cu minister mes, pero Departamento di Impuesto tin un rol consultativo den esaki, nan ta yuda minister cpa cu preguntanan tecnico aki. Tambe hunto cu minister nan a sinta cu e bankeronan pa cu e ley aki, kico ta e posibilidadnan. SI no tin nada posibel, nan ta conseha minister y si tin posibilidad den ley pa duna un ahuste, a base di esaki nan ta duna conseho ariba esaki tameb, segun Sra. mr. Luenne Gomes- Pietersz, directora di Departamento di Impuesto.