For di Aruba Voetbal Bond (AVB) nos a ricibi informacion cu durante reunion di directiva di dia 10 di januari, esta ayera, e directiva di AVB a aproba nombracion di Dyane Wiersma como Secretario General di AVB entrante prome di februari 2024.
Dyane Wiersma, desde aña 2020 ta laborando na AVB, unda a ocupa e funcionnan di Women’s Football Coordinator y tambe di FIFA Forward Programme Coordinator. Sigur e futbol femenino a conoce un crecemento e ultimo aña y Dyane Wiersma ta cla p’e siguiente reto.
N’e momento aki Dyane Wiersma ta cu verlof, pero pronto lo inicia cu su reto nobo na AVB y den e mundo di futbol en general.