Dwight di Uptown Cuts sa cu e team di Brazil Taekwondo Stichting ta bayendo Merca pa competi y no por a keda sin duna un man pa asina drecha nan aparencia prome cu nan biaha pa Portland Oregon, USA. Nan ta bay competi na e Presidents Cup cu ta e clasificatorio pa e Pan Americano 2017.
Diamars atardi Dwight a coopera cu e team di Train Hard Fight Smart di Brazil Taekwondo Stichting y Dwight haci magia cu nan cabey pa asina nan biaha diaranson na ordo di dia. Nan ta bon prepara cu e training caba y tabata falta pa drecha nan cabey. Dwight di Uptown Cuts ta un di e comerciantenan cu a contribui cu Brazil Taekwondo Stichting su team di Train Hard Fight Smart.
Brazil Taekwondo Stichting ta gradici Dwight di Uptown Cuts pa su sosten duna na e team.