E calidad di aire cu nos ta inhala, ya pa hopi tempo caba no ta esun di mas puro. Pero aki na Aruba, no tin mucho dato di esaki. Sra. Jurette Croes, PR di DVG ta elabora mas ariba esaki.
Sra. Croes a cuminsa na bisa cu nan ta habri siman cu’n topico poco diferente, unda cu ta introduci na comunidad, Metabollic Foundation, cu ta existi desde 2015. E ta un fundacion poco conoci, pero si hopi importante. Nan ta traha ariba diferente aspecto di e medio ambiente. Pa esaki DVG a invita nan pa duna informacion tocante polucion den aire, con esaki ta afecta e salud di un persona.
Na Aruba no tin mucho data di esaki, y esaki ta cay bou di Metabollic Foundation, bou guia di Christy Mettes.