DVG: Proteha e nos muchanan durante temporada di carnaval

Aruba ta den porta di e ultimo dos paradanan di Carnaval di Mucha, pa cual Sra. Jurette Croes, di DVG, a duna algun conseho y tips na e mayornan, como tambe na adultonan en gerenal, den e temporada di carnaval.

Departamento di Salud Publico kier a pone hopi atencion ariba cuido di nos muchanan. Y como Departamento di Salud ta haci enfasis pa no hiba e muchanan bou di 5 aña carnaval. Muchanan na e edad ey ainda ta drumi merdia. Y hibandonan carnaval, den e solo den e desordo, esaki ta mas un molester pa e muchanan, cu nan ta gosa di e carnaval.

Tambe DVG ta pidi pa laga e muchanan na un creche, tin hopi creche cu ta haciendo e trabao aki. Of tambe por laga e mucha cerca famia cu por duna e mucha cuido durante dia. Muchanan bou di 5 aña y cu ta bou carnaval toch, ta pidi pa tira bon bista ariba nan. Muchanan ta hopi inkieto, hopi biaha ta perdenan for di bista y e mucha por hasta perde su mayornan.

Ta bon pa siña e muchanan pa semper den casonan asina, busca polis uniforma, cu lo por yudanan haya nan caminda bek pa cas. Ora di bay carnaval, tira hopi bista ariba e mucha. E solo ta hopi fuerte, uza sunblock ariba e muchanan, y cada dos ora of menos, ripiti/reaplica e sunblock ariba e mucha. Uza SP30 of mas. Mas halto e SPF, mas proteccion e ta duna na e mucha.

Tambe uza bril di solo, si e por, lag’e uza uno, miho ta pa e brilnan ta SUV protected. No solamente cualkier bril, cu tin glasnan preto. Brilnan cu no ta proteha contra di solo, no ta bale la pena uza esakinan. Bisti e mucha un sombre un of petchi, proteha e mucha contra di solo. Laga e mucha para den sombra, bou di un tent, bou di un parasol, tur esaki pa proteha e criatura for di solo.

Importante ta pa duna e mucha likido, preferibel awa, por dun’e refresco cu juice tambe. Pero si mas hopi awa posibel. Dun’e earplugs pa proteha su oido contra di zonido duro. Na Aruba ainda no ta posibel pa controla ariba e zonido, ariba e tanto decibelnan. Ta hopi importante pa proteha e zonido di e muchanan. Nan oido ta hopi vulnerabel, hopi mas sensitivo cu adulto. Proteha nan oido cu earplugs, tambe wak pa tin wipes na man, pa ora cu e ta bay come y despues di a caba di come. Pero tambe pa ora cu e caba di bay baño.

Den e temporada di carnaval, ta importante pa proteha e muchanan.

Comments

comments