Sr. Jayburtt Dijkhoff, consehero di Salud Publico, a duna un presentacion na e NGO’s encuanto nan rol durante calamidad. Sr. Dijkhoff ta amplia.
E presentacion na e NGO’s ta tocante nan durante calamidad, y Sr. Dijkhoff su parti, ta e e parti huridico na e puestonan medico cu ta bay tin, den e diferente partinan di e isla ora di desaster. E por ta den cualkier evento, manera, horcan, temblor, avion cu lo cay, tsunami, e por ta cualkier evento cu por haci cu economia of salud, siguridad di hende ta wordo stroba na nivel nacional.
A reuni cu medico y enfermeronan, pa splicanan cual lo ta nan funcion y deber como trahado den area di salud. Sr. Dijkhoff ta enfatisa cu puestonan medico ta hopi importante, e rol cu enfermeronan ta importante, mas aun ora di desaster, no tur ora e accesibilidad t’ey pa Imsan of Hospital, pa cual e puestonan medico ta keda hunga un rol importante.
Mas aleu, Sr. Jayburtt Dijkhoff tambe a splica cu den casonan aki medico ta hunga un rol hopi importante unda cu nan tur lo wordo yama di manera boluntario. Tur e dokter- y enfermeronan ta wordo yama, pa boluntariamente, bin yuda, ya cu ta trata di un calamidad unda cu ta bay tin mester di e experticio medico.
Otro organismonan, manera Cruz Cora, etc, no ta cay bou di DVG, pero mas bien bou di Actiecentrum. Pero si ta premira cu lo por tin otro reunionnan, ya cu mester ta prepara pa cualkier eventualidad, segun Sr. Jayburtt Dijkhoff.