Basa riba informacion ricibi, den orana ndi mainta un team di DVG mas diferente otro instancia a acuda na un cas den Simon Platstraat unda tin un señora die dad bibando den un situacion dificil
Na e sitio a tuma nota tambe di presencia di personal di Bureau City Inspector, Fundacion Luna (cuido di animalnan), Veterinario y GKMB. Tur esaki debi cu na e cas tin un cantidad grandi di entre otro cacho y cu e señora mes no por cuida di nan.
E señora mes ta den un bon estado mental, pero debi na su edad e no por cuida di sum as. Autoridadnan concerni a papia cu ne y a constata cu e ta bon na tino. Sinembargo e ta un persona malo y cu un cantidad di cacho cu e no por cuida di nan. Mester a papia hopi cu ne pa convence pa e bay hospital pa haya tratamento.
Fundacion Luna y Bureau City Inspector a bay di biaha cu algun di e animalnan cu tabata den mal estado. A resulta cu hendenan cu no kier nan cacho mas, ta laga nan cacho na e porta di e cas, mirando cu e señora ta stima cachonan. Y esaki ta cruel, pasobra ta trata di un señora di edad.
Por a compronde cu Departamento Social a tuma e caso aki den nan man. Mientrastanto famia y amigonan a cuminsa pa haci e luga limpi, hunto cu instancianan di Gobierno mirando cu algun di e cachonan tin malesa cu por afecta henter e bario.
A traha un rapport di parti di higiena cu ta bay pa Departamento Social, y DVG ta pidi pa atende cu e malesanan cu a constata y animalnan cu tin na e sitio.