Diasabra marduga oficialnan di Santa Cruz a sali patruya y a pasa den bario di Macuarima pa Urataca tira un control y nan ta topa cara cara cu un tercel. A duna e chauffeur señal pa para. E auto den mal estado sin front a para dilanti un cas.
E polisnan a mira e actuacion sospechoso caba di e homber den e auto a pone baha y laga cana bin direccion di e auto di Polis debi cu e homber tabata na boxer so. A detene di biaha pa violacion di TDQ. Transport a presenta y a bay cu e sospechoso warda. Di biaha a start un listramento den e auto, a canta bingo a haya un sombechi scondi na e porta di chauffeur y un machete grandi, e auto paden na werki sin dashboard. E oficial a sigui listra a sigui canta bingo mas cuchiu, tubo di hero, sker, cuchiu grandi, a topa cu droganan pilder y hasta celularnan. Un bingo completo, auto carga cu diferente tipo di arma blanco na werki paden. No a keda nada otro di tuma e auto den beslag, y na warda a notifica e diferente instancianan.