Un di e oradornan cu lo bay duna charla di e evento di PNL, ta Felipe Corales, kende a splica kico ta su rol den e evento aki pa e parti di pareha y finansas. E ta bin di Colombia cu un amplio experiencia den e temanan aki.
Felipe Corales ta master practitioner den programacion Neurologistica. E ta economista y ta bin trece un regalo grandi pa esnan con pa atrae e pareha di alma y e tayer di atrae abundancia pa bo bida. Atrabes di e tayernan aki a haya hopi hende cu a haya cu facilidad, e pareha eynan. Cera e ciclo di parehanan anterior.
Dicon semper ta ripiti e storia di desamor caminda tin infidelidad. Ta temanan di miedo di ta den pareha y casa. Ta traha riba esaki riba nivel di creencia. Ta un tayer di dos ora.
Tambe lo bay mira e tayer di atrae e abundancia den bo bida, cual ta uno completo. Ta mira e estado optico di creencia, unda cu por conecta mas cu abundancia. No solamente e abundancia di placa, sino den amor, den salud, den pareha, den e tema di lo spiritual cu ta importante y tanto ta move nos. Ta bay conecta nos tur cu e abundancia aki. Ta un tayer hopi videncial. Ta un tayer cu lo bay laga un enseñansa hopi grandi. Ta bay traha den e tayernan aki, unda cu ta bay participa y atrabes di e enseñansanan cu lo wordo duna, segun Corales.
Personanan cu ta desea di participa den e tayer, por ta personanan soltero cu ta buscando pareha, super recomendabel pasobra ta traha cu un ehercisio, un meditacion hopi poderoso cu ta un tecnica unda cu ta manifesta cosnan y den e tecnica aki ta permiti pa yega e pareha. Ta atrae e pareha di alma y riba esaki ta enfoca. Tambe ta invita parehanan cu kier reafirma nan relacion. Parehanan cu ta den un proceso di transformacion ta wordo invita pa participa den e evento. Tin ehercisionan hopi potente pa esnan cu ta bay nan so y tambe bay den pareha, Corales a splica.