Na fin di aña, Venezuela a haci un algun expresion fuerte den direccion di nos isla, cual a puntra presidente di Reino, Sr. Ady Thijsen si lo trata e tema aki durante e Inter- Parlamentaire Commissie (IPCO).
E topico Venezuela sigur sigur lo bin na vigor. Esaki a wordo treci dilanti caba y un biaha mas e ta bin dilanti. Si scucha e declaracionnan di e presidente di Venezuela, esaki ta di preocupacion. Nos isla ta hopi cerca di e costa di Venezuela, y di e manera ey, Hulanda, como Reino Hulandes, tin hopi interes economico na Venezuela y den cuadro di esaki, e lo bira un topico sigur, ya cu e ta un topico cu tur hende ta di acuerdo cun’e.
Ta bon pa di antemano, cuminsa prepara pa cualkier cos. Si bo ta un Reino Hulandes, tur mester ta uni pa salbaguardia derecho di bo ciudadanonan, mas aun pa Aruba cu ta dilanti di e costanan di Venezuela, segun Sr. Juan “Ady” Thijsen, presidente di Parlamento.