Instituto Biba Saludabel y Activo, IBiSA ta informa na publico cu su oficina principal situa den Frankrijkstraat 1, como tambe IBiSA Sport Centrum San Nicolas situa den dr. Schaepmanstraat 52 na San Nicolas ta cera e aña aki durante dianan di fiesta di Pasco y Aña Nobo.
Ultimo dia di trabao pa e aña aki ta riba diabierna, dia 16 di December 2016. Ambos oficina ta reanuda trabou riba diamars, dia 3 di Januari 2017 for di 7:30a.m. pa brinda e acostumbrado servicio na publico.
Staff y personal di IBiSA ta gradici tur instancia, organisacion, compania, directivanan di scol, departamentonan gubernamental, medionan di comunicacion, prensa y comunidad di Aruba en general pa e apoyo brinda na nos institucion y na ‘Bus di Salud’ durante aña 2016.
IBiSA ta spera di por sigui conta cu tur sosten y apoyo den aña 2017 pa promove un estilo di bida saludabel y activo” riba nos isla. Despues di un aña hopi activo y exitoso pa Bus di Salud y actividadnan ‘Recreativo y Deportivo’, IBiSA ta tuma e oportunidad pa prepara y habri aña nobo cu e meta pa sigui duna e miho servicio na publico.
IBiSA ta desea tur empleado, nan famia y henter comunidad di Aruba un “Feliz Pasco, paz, amor y felicidad den cada hogar”. Expresando na mes momento, e miho deseonan pa Aña 2017 por ta yena di hopi bendicion, salud, prosperidad y hopi productividad. Y cu tur deseo bira realidad den e aña nobo.
“Bon Pasco y Feliz Aña 2017”.