Diahuebs e comision di vuurwerk a sigui cu nan controlnan, pa cual Sr. Ferdinand Ponson, miembro di e comision pa Brandweer ta amplia ariba e controlnan teni.
Tin hopi di e luganan ta mantene nan mes na e reglanan y nan ta bezig ta haciendo control severo ariba nan. Brandweer a haya basta vuurwerk cu no mester ta ariba caya, pero toch algun comerciante tin nan ariba shelf, of ta preparanan pa wordo bendi. Pero e vuurwerk aki ta wordo confisca, segun SR. Ponson.
E comunidad di Aruba mes ta yudando e comision, sacando potret . Brandweer y e comision ta haci nan best pa nan yega na tur e 85 puntonan di benta pa asina controla.
Algo riparabel ta cu tin hopi punto di benta cerca di otro, pero e comision no ta controla esaki, ya cu e trabao lo bira hopi mas pisa pa e comision pa por tene un control adecuado. Ta keda na cada comerciante na unda e kier pone su container pa bende klapchi.
Cada comerciante ta situa toch na un distancia leu di otro, cu no ta forma peliger pa forma prevencion ariba dje, unico cos cu e comision por haci ta duna conseho segun Sr. Ferdinand Ponson, miembro di e Comision di Vuurwerk pa Brandweer.