Sr Roby Rosel di Departamento di City Inspector a informa cu durante su ausencia e team a sigui labora y tabata tin basta sushi mes cu a confronta cu nan riba caminda. Nos ta den e temporada di yobida y a sinta hunto cu nos personal pa prepara pe e tempo nos dilanti. Nos team ta riba caya pa controla e parti di dam, sushedad y tambe santa Rosa pa tuma e pasonan debi cu e ta cay bou di nan y nos ta traha hunto cu nan pa mantene e parti di limpiesa.
Santa Rosa tambe ta controla e parti di sushedadnan cu sa haya banda di dam. E parti di rooinan nos ta sigui cu e trabounan di control pa keda haci limpi, varios a keda haci limpi durante siman cu a pasa. Den Bubali tambe nos a confronta cu sushinan cu ta keda tira y ta haci un suplica pa e pueblo di Noord debi cu esai ta un di e rooinan grandi cu ta conecta cu tin cu circula via rotonde grandi di Sasaki y a topa cu cantidad di sushi. Den bario di Santa Cruz banda di trappers club, Jan Fleming y bisindario tambe a topa cu sushinan y e team a logra di haci e areanan aki limpi.