Diabierna, pa mas of menos 2’or y 50 di merdia, patruya a tene un control ria e caminda Kibaima/Tanki Flip, na altura di New 88 Foodmart. Durante e control, polis a detene un auto Hyundai tipo Getz, caminda cu nan a mira tres hende cu no tabata haciendo uzo di un faha di siguridad. A base di esaki e chauffeur a ricibi un procesverbaal. Na e momento ey, mientras cu e sospechoso tabata haya su verbaal, polis a haya un holo sterki di marihuana. A puntra M, e chauffeur, si e por tabata tin marihuana den e auto. E pasahero dilanti, kende tabata un hende muhe, a contesta cu un rato prome el a huma un sigaria di marihuana. Como cu polis a haya e holo di marihuana, nan a dicidi di bay haci uni investigacion den e Getz riba e indicacionnan ya menciona. Patruya a mira bao di sienta tres saco chikito cu marihuana den dje. Tambe nan a haya tres otro container di glas, cu marihuana den dje. Den cuadro di esaki, tur tres persona a duna tres diferente version riba e cuestion di marihuana. Tur tres sospechoso a wordo hiba warda y presenta dilanti di fiscal auxiliar. Nan a keda warda pendiente investigacion. E Getz a wordo hiba warda di Santa Cruz como cu el a wordo confisca pa investigacion.