Diamars anochi riba e caminda di Palm Beach poco panort di e rotonde patruya a para un truck pa un control, momento cu e oficialnan ta combersa cu e chauffeur a mira e porta di pasahero habri y un homber a purba huy pa polis.
E oficialnan a bay su tras di biaha y pone man riba e homber, y a constata cu e homber no tabatin documento pa ta riba nos isla. No a keda nada otro di a detene e homber. A bay pone e homber den auto di Polis pa sinta debi cu e ta man na boei, e homber a purba habri e auto di polis pa huy y aki oficialnan ta gar’e na ora y a mande vloer. Asina a solicita e vehiculo di transport’e basta lihe pa bay cu e homber pa warda di Polis.
E propetario di e compania di truck a presenta y polis a hala su atencion di biaha pa loke ta busca persona ilegal.
