Tecnologia ta algo cu ta keda insigur y esey tur hende sa. Lo kier haci uzo di tablet ora di haci e Censo, pero con sigur esaki ta cu e datonan no a wordo copia, pa cual Sra. Desiree Helder, directora interino di CBS, ta splica.
Segun Sra. Helder, na januari nan lo test diferente manera pa test esey. Loke mester ta sigur di dje tambe, ta cu e contrast cu e encuestador a haya, cu nan ta responsabel pa e dato. Por si acaso, un dato sali, di un persona of compania, esaki ta castigabel. Loke nan ta haya a cambio, si un persona paganan pa e informacion y ta core riesgo di bay cera, e persona mester sa esey.
Personanan cu wordo emplea pa haci e Censo, lo mester entrega un papel di Buena conducta, e mester ta un persona responsabel. Pero CBS ta purba pa haci mas tanto ehercicio, pa ta sigur cu tur cos ta bon warda. Actualmente, CBS ta buscando e encuestadornan. Riba website di CBS lo pro haya un formulario pa yena. Y a base di esaki, lo selecciona e personanan cu ta bira encuestador.
NACIONALIDAD ENCUESTADOR
En principio, e pro ta hende di cualkier nacionalidad, y cu minimo un MAVO diploma y domina tur cuater idioma. Banda di esey, tin personanan cu no ta papia e idiomanan aki, lo busca personanan pa para tolk den otro idioma. Pero e encuestadornan mester papia e 4 idiomanan y mester por traha cu tablet.
HABITANTENAN TEMPORAL
E definicion di temporal ta pa personanan cu ta bibando aki na Aruba, pa al menos 1 aña of tin intencion pa biba pa 1 aña na Aruba minimo. Pa loke ta habitantenan di condominio nan, CBS lo tuma contacto cu nan di antemano, pa nan ta na altura cu’n hende di CBS lo pasa cercanan, pa haci e entrevista posibel.
PERSONANAN DI EDAD
Un persona cu no por papia pa su mes, lo papia cu’n familiar, of un persona cu a wordo contrata pa cuida un persona. Pero esey semper lo busca un persona cu sa mas di e persona pa wordo entrevista.
Por ultimo, Sra. Helder a infomra cu aki aña y mei, lo tuma luga e Censo. Esaki ta dia 1 di October 2020, y e ta dura pa un siman, te cu 10 di October. Ta urgi tur hende pa participa. E no ta algo pa CBS, pero algo pa Aruba. Y sin e contribucion di tur hende, e censo lo no ta exitoso. ESey ta importante pa tur hende sa. Di nan banda, CBS lo haci e cuestionario mas miho posibel, pa haya e informacion vital, cu e por ta na beneficio di Aruba y ta urgi tur hende pa coopera cu nan. E informacion ricibi, ta na bienestar di un y tur, segun Sra. Desiree Helder, directora interino di CBS.