WASHINGTON D.C., Merca – Asesornan di e campaña presidencial di Donald Trump y otro di su colaboradornan mas proximo, a mantene “contactonan reitera” cu agentenan di inteligencia Ruso durante e aña prome cu e eleccionnan pa Cas Blanco, segun a The New York Times a publica diamars anochi.
E corant di New York a cita cuater funcionario y exfuncionario kendenan a revela, bao condicion di anonimato, registronan telefonico y yamadanan intercepta entre e asesornan di e actual Presidente y e agentenan di inteligencia Ruso, algo cu Trump semper a nenga cu a sosode.
Aunke e yamadanan tabata frecuente y den ocasion tambe a involucrra funcionarionan di Kremlin, e fuentenan cita pa The New York Times no a haya prueba cu e contactonan aki ta deriva den e atake di piratanan cibernetico na e campaña di Hillary Clinton y e Partido Democratico, den cual Inteligencia di Merca ta culpa Rusia. E fuentenan di e corant Neo Yorquino, no a revela e contenido di e yamadanan ni e agentenan Ruso cu a protagonisa, tmapoco e asesornan di Trump, vincula den e caso, cu excepcion di Paul Manafort, kende tabata hefe di e campaña te cu a tuma luga un escandalo di financiacion iregular na Ucrania.
Fuente: El Colombiano