BOGOTA, Colombia- President recien eligi di Colombia, IVan Duque a sigura cu e lo impone cadena perpetua contra violadonan y asesinonan di menornan di edad. Pa es motibo aki, den un encuentro cu e alcaldenan di e pais, el a pidi pa impulsa e iniciativa pa bin cu’n referendum den e eleccionnan di 2019.
“Mi kier invita boso, señor y señora alcalde pa nos construi, cu bista pa 2019, un propuesta di ley pa caba, pa nos, como sociedad como uno solo den e proceso electoral di 2019, pa nos por bay urnanan y vota den un referendum pa bin cu cadena perpetua pa violador y asesino di mucha”.
Aunke Duque den su discurso di dia 17 di juni ultimo, fecha dne cual el a sali ganado dne e di dos buelta presidencial, a anuncia cu e lo impulsa e iniciativa aki, esaki ta prome biaha cu e ta papia di referendum pa logra esaki”.
E medida di cadena perpetuo a wordo presenta den varios ocasion na Congreso pero nunca el a logra avanza den e tramitenan, motibo pa cual Duque lo impulsa un referendum den su gobierno.
Di mes manera, e presidente electo a indica cu e trabao teritorial lo ta fundamental pa logra e obhetivonan cu e tin den su mandato. P’esey e consehonan comunal cu ex presidente Uribe tabata tin durante su gobierno, lo bin bek.