HILVERSUM, Hulanda – Na e aeropuerto di Hilversum, dos homber Sueco, di 34 y 49 aña a wordo gara cu dos kilo di cocaina den un tas. E duo a bin cu e droga den un avion chikito for di Suecia. Net prome cu nan kier a bula bek pa e pais Scandinavo, polis a haci su movecion.
Despues di un tip for di Suecia, polis a dicidi pa tira un bist riba e avion y e tripulacion despues cu el a baha na Hilversum. Despues cu e avion a baha, e piloto a keda den e avion y e otro pasaheronan a bay den un auto. Te su siguiente mainta e pasaheronan a aparece na e aeropuerto pa “supuestamente” bula bek pa Suecia. E tabata tin e droga den un tas.
Fuente: De Telegraaf