Dunado di trabao por confirma e trahado confirmacion di inscripcion na SVB

E doño di trabao tin e obligacion di inscribi e trahado na SVB. E por haci’ e online, dus e doño mes por inscribi e trahado of e trahado tambe por bay inscribi su mes na SVB na Eagle. Sra. Cherryldine Buckley cu e relato.

Di tur forma e formulario e doño tin’e y e trahado por presenta cun’e hunto cu’n ID na e oficina principal. E boet ta bin cu e doño di trabao, ya e ta responsabilidad di e doño di trabao pa duna e trahado oportunidad pa haci esaki. E mester ta prome cu e cuminsa traha of e mesun dia. Si ta ariba e mesun dia di trabao, e doño mester duna e trahado e oportunidad pa haci’e durante oranan di trabao, door di bay inscribi prome cu e cuminsa traha. Tin hende ta bisa cuenta di proeftijd, esey no tin nada di haber pa ta sigura. E trahado mester ta sigura for di e prome dia di trabao. E doño di trabao por haci’e online via e portal di SVB, hinca e code via e seccion di inscripcion. Ta purba haci e proceso pa e doño di trabao mas facil posibel.

Si e trahado kier sa si e ta inscribi na SVB, e doño di trabao por dun’e confirmacion di esaki. Y e forma tambe cu e trahado si kier sa si e ta inscribi, e pro haci uzo di nan servicio di seguro di malesa, eynan tambe e por check si e ta registra cu si e bira malo si e por meld ziek. E doño di trabao tin e deber pa bisa e trahado tocante e inscripcion aki, segun Sra. Cherryldine Buckley, vocero di SVB.

Comments

comments